Дибала жарақат алып, Аргентина құрамасының маңызды ойындарын өткізіп алады

Euro-football.ru мәліметінше, Пауло Дибала жексенбідегі Серия А матчында «Рома» «Кальяримен» кездескен кезде жарақат алды.

Журналист Филиппо Биафораның хабарлауынша — аргентиналық шабуылшы жарақатына байланысты кем дегенде бір ай алаңға шыға алмайды. Бұл Дибаланың Уругвай мен Бразилияға қарсы 2026 жылғы әлем чемпионатының іріктеу ойындарында ұлттық құрамаға көмектесе алмайтынын білдіреді.

Ағымдағы маусымда 31 жастағы шабуылшы 36 ресми матч өткізді — оның еншісінде 8 гол мен 4 нәтижелі пас бар. Футболшының рим клубымен келісімшарты 2026 жылдың ортасына дейін жарамды.

Айта кетейік, бұған дейін Аргентина құрамасының тізімінде Лионель Мессидің де жоқ екені белгілі болған — команда капитаны да шағын жарақат алған.