Деннис Смит «Реалдан» мерзімінен бұрын кетуі мүмкін

BasketNews мәліметі бойынша, НБА-ның бұрынғы ойыншысы Деннис Смит Мадридтің «Реалынан» уақытынан бұрын кету мүмкіндігін қарастыруда.

Американдық баскетболшы қаңтардың ортасында испандық грандқа қосылғанымен, жаңа командада ойын тәжірибесінің жетіспеушілігі мен жарақаттар салдарынан оңтайлы физикалық формаға келе алмай отыр.

Смит тек 2 ақпанда («Ховентутқа» қарсы) дебют жасап, осы уақыт ішінде паркетте небары 35 минут қана өткізді.

Айта кетерлігі, «Реал» басшылығы ойыншыға наразылық танытып отырған жоқ. Клуб ынтымақтастықты жалғастыру немесе тоқтату туралы шешімді толықтай Смиттің өзіне қалдырған.

Сонымен қатар, америкалық қорғаушының соңғы Корольдік Кубогының матчтарына қатыспағаны белгілі.