Денис Глушаков Квинси Проместің «Спартакқа» оралу мүмкіндігіне қатысты пікір білдірді

«Матч ТВ» хабарлауынша, қызыл-ақтардың бұрынғы капитаны Денис Глушаков Квинси Проместің Мәскеу клубына қайта оралуы жөнінде өз ойын ортаға салды.

Глушаков жақында голландиялық ойыншымен байланысқа шыққанын айтып, оны туған күнімен құттықтағанын жеткізді. Әңгіме барысында Промес бұрынғы клубын сағынып жүргенін мойындаған.

«Бұл – түсінікті жағдай. Оның болашағы тек «Спартак» басшылығының ғана емес, сондай-ақ сот істерінің қалай өрбитініне де байланысты. Күтейік, бәрі қалай болатынын көреміз. Квинси – мінезі жақсы жігіт. Ол өзінің тәжірибесімен жас ойыншыларға көмектесер еді. Ал командаға – өзінің табандылығы, өжеттілігі және голдарымен пайдасын тигізер еді», — деді Глушаков.