Daxak «Night Pulse» командасының ойыны туралы пікір білдірді

Никита Кузьмин (Daxak) «FISSURE Universe: Episode 4» турнирінің топтық кезеңінде «Tundra Esports»-ке қарсы өткен матчтан кейін «Night Pulse» командасының өнері жайлы өз Telegram-арнасында ой бөлісті.

Ол Қиялбек Тайыровтың (Kami) «Slark» кейіпкерімен ойынына ерекше тоқталды. Daxak-тың пікірінше, команда шешуші сәттерде қателіктерге жол бергенімен, ойыншы жоғары деңгейде өнер көрсетті.

«Егер олар осылай ойнауды жалғастырса, кем дегенде топ-6-ға дейін жетеді», – деді Daxak.

«Night Pulse» топтық кезеңнің екінші раундында «Tundra Esports»-тен 1:2 есебімен жеңіліс тапты. Команданың келесі қарсыласы «BetBoom Team» – бұл матч бүгін кешке өтеді.

«FISSURE Universe: Episode 4» онлайн турниріне 16 команда қатысып, $500 мың жүлде қорын сарапқа салады.

Біздің парақшамыздан футбол матчтарының барлық нәтижелерін Live форматта бірінші болып біліңіз!