Давид Бенавидес пен Дмитрий Бивол жекпе-жек өткізуі мүмкін

DAZN Boxing мәліметінше, Давид Бенавидес Дмитрий Биволмен жекпе-жек ұйымдастыру туралы келіссөздер жүріп жатқанын растады.

«Біз келіссөздер жүргізіп жатырмыз. Жекпе-жек қыркүйекте өтуі мүмкін, бірақ әзірге нақты ештеңе белгілі емес. Бұл салада ешқашан 100% сенімді болу мүмкін емес. Егер жекпе-жек болмай қалса, басқа нұсқаларды қарастырамыз. Дегенмен біз кездесуіміз өтуі үшін барлық мүмкіндікті жасап жатырмыз», — деді WBC титулының міндетті үміткері.

Алайда Биволдың менеджері келісімге қол жеткізілгені туралы ақпаратты жоққа шығарды. Ресейлік боксшының командасы үшін басты басымдық — Артур Бетербиевпен трилогия өткізу.

Сонымен қатар, промоутер Оскар де ла Хойя рингтегі қозғалыс тұрғысынан Бенавидестің Биволдан басым екенін атап өтті.