CAS Камила Валиеваның ісі бойынша жаңа талқылауға қатысты пікір білдірмеді

Tass.ru мәліметінше, Спорттық төрелік сот (CAS) мәнерлеп сырғанаушы Камила Валиеваның ісіне қатысты жаңа талқылауға пікір білдіруден бас тартты. Спортшы Швейцарияның Федералдық сотына шағым түсірген.

Associated Press хабарлағандай, Валиеваның қорғаушылары Дүниежүзілік допингке қарсы агенттікті (WADA) процессуалдық алаяқтық жасады деп айыптап, сотқа өтініш берді.

«CAS Швейцария Федералдық сотына істі қайта қарау туралы өтініш берілгенін растайды және соңғы шешімді күтеді», — делінген төрелік соттың мәлімдемесінде.

Бұған дейін, қазан айында, Валиеваның алғашқы шағымы қабылданбаған болатын. Қорғаушылары CAS төрешілерінің бұл істі қарауға құзыреті жоқ екенін алға тартқан, себебі спортшы төрелікке жазбаша келісім бермеген.

Еске сала кетейік, жыл басында Валиева допингке қарсы ережелерді бұзғаны үшін төрт жылға спорттан шеттетілді. Бұл мерзім 2021 жылдың желтоқсанынан бастап есептеледі. Осы шешімге байланысты спортшы Еуропа және Ресей чемпионаттарындағы алтын медальдарынан айырылды. Сондай-ақ, 2022 жылғы Олимпиадада Ресей құрамасының командалық жарыстағы бірінші орны үшінші орынға ауыстырылды.