Бразилия құрамасы соңғы 11 жылдағы ең ірі жеңілісін тапты

Mister Chip мәліметі бойынша, Бразилия ұлттық құрамасы өзінің қазіргі тарихындағы ең ауыр жеңілістерінің біріне ұшырады. Команда ресми матчта төрт доп жіберіп алды.

Бес дүркін әлем чемпиондары 2026 жылғы әлем чемпионатына іріктеу турнирі аясында өздерінің басты қарсыластары Аргентина құрамасына 1:4 есебімен жол берді.

Мұндай жағдай соңғы рет 2014 жылғы әлем чемпионатының жартылай финалында орын алған, сол кезде бразилиялықтар Германия құрамасынан 1:7 есебімен тарихи жеңіліс тапқан болатын.

Оңтүстік Америка командаларымен кездесулерде мұндай ірі есеп 1987 жылдан бері тіркелмеген. Сол кездегі Америка Кубогы матчында Чили құрамасы бразилиялықтарды 4:0 есебімен жеңген еді.