«Бешикташ» бапкері Уле-Гуннар Сульшер xG статистикасына сенбейтінін айтты

«Бешикташ» командасының бас бапкері Уле-Гуннар Сульшер футболдағы күтілетін голдардың (xG) статистикалық көрсеткішіне сенімсіздік білдірді, деп хабарлайды Euro-football.ru.

Сульшердің айтуынша, xG көрсеткіші футболдағы нақты жағдайды әрдайым дәл көрсете бермейді:

«Егер біз бірдей нүктеде бірдей сәтке тап болсақ, xG көрсеткіші 0,2 және 0,2 болар еді. Бірақ мен гол соғар едім, ал сіз — жоқ. Міне, сондықтан мен мұндай статистикаға онша сенбеймін».

Норвегиялық маман сондай-ақ жағдайдың керісінше болуы мүмкін екенін атап өтті — журналист гол соғып, бапкер соға алмауы мүмкін.

Сульшер «Бешикташ» командасын бір жарым ай бұрын басқаруға кірісті. Ол бұл қызметте нидерландтық Джованни ван Бронкхорстты алмастырды. Команда құрамында қазақстандық футболшы Бақтиер Зайнутдинов те өнер көрсетеді.