«Байер» негізгі ойыншысынан айырылды

«Байердің» твиттер парақшасының хабарлауынша, леверкузендік клубтың негізгі жартылай қорғаушысы Флориан Виртц «Вердерге» қарсы ойында тобық жарақатын алды.

Оқиға матчтың 52-ші минутында орын алды — доп үшін талас кезінде Митчелл Вайзер 21 жастағы жартылай қорғаушының оң аяғына соққы жасап, Виртц алаңнан өздігінен шығып кете алмады.

Жарақат алғанға дейін Виртц ағымдағы Бундеслига маусымында мынадай нәтижеге қол жеткізді: 25 ойында 9 гол және 10 нәтижелі пас тіркелген.