«Барыстың» бұрынғы қорғаушысы Томаш Клоучек тау шаңғы курортында қайғылы қазаға ұшырады

Shaiba.kz хабарлауынша, астаналық «Барыстың» бұрынғы қорғаушысы Томаш Клоучек тау шаңғы курортында қайғылы қазаға ұшырады — спортшы 45 жасында өмірден озды.

Чех хоккейшісі астаналық клуб сапында үш маусым өнер көрсетті — оның «Барыс» сапындағы ойын кезеңі 2008-2011 жылдарға сәйкес келді.

Қорғаушының кәсіби мансабында КХЛ-да — Попрадтың «Лев» командасында, сондай-ақ НХЛ-да — «Нью-Йорк Рейнджерс», «Нэшвилл Предаторз» және «Атланта Трэшерз» командаларында ойнағаны белгілі.