«Барселона» ойыншылары төрешінің қосымша уақытына наразы болды

As басылымының хабарлауынша, Ла Лиганың 30-турында өткен «Барселона» мен «Бетис» арасындағы матч 1:1 есебімен аяқталды. Кездесудегі басты дау — төрешінің екінші таймға қосқан уақыты болды.

Бас төреші Хесус Хиль Мансано негізгі уақытқа небәрі 4 минут қосты. Бұл шешім «Барселона» ойыншыларының наразылығын тудырды.

Соңғы ысқырықтан кейін каталондық ұжымның бірнеше футболшысы — Рафинья, Рональд Араухо, Жюль Кунде және Гави — төрешіге жақындап, қосымша уақыт тым аз болғанын айтып, өз қарсылықтарын білдірді.

Каталониялық клуб өкілдерінің пікірінше, ойын ішіндегі үзілістер мен ауыстыруларға байланысты қосымша уақытты ұзартуға негіз болған.

Біздің парақшамыздан футбол матчтарының барлық нәтижелерін Live форматта бірінші болып біліңіз!