«Барселона» мен «Атлетико» Испания Кубогының жартылай финалында кездеседі

25-ші ақпаннан 26-сына қараған түні «Камп Ноу» стадионында «Барселона» мен «Атлетико Мадрид» арасында Испания Кубогының жартылай финалдық кездесуі өтеді (Қазақстан уақыты бойынша 01:30-да).

Жартылай финалға дейінгі жолда каталондық клуб әсерлі нәтиже көрсетті: «Барбастроны» (4-0) «Бетисті» (5-1) және «Валенсияны» (5-0) ойсырата жеңді; ал мадридтіктер «Марбельяны» (1-0) «Эльчені» (4-0) және «Хетафені» (5-0) жеңді.

Ла Лиганың соңғы ойындарында екі команда да жақсы форма көрсетті. «Барселона» сырт алаңда «Лас-Пальмасты» (2-0) жеңсе, ал «Атлетико» «Валенсияны» (3-0) ойсырата жеңді.

Осы принципті қарсыластардың шамамен екі ай бұрын Испания чемпионаты аясында өткен соңғы кездесуі мадридтік клубтың 2:1 есебімен жеңісімен аяқталған болатын.