Артем Дзюба Ресей футболында жаңа рекорд орнатты

«Матч ТВ» хабарлауынша, «Акрон» шабуылшысы Артем Дзюба Ресей футболының тарихында жаңа рекорд жасады. 36 жастағы форвард «Крылья Советов» қақпасына соққан голымен мансабындағы 234-ші голын тіркеп, Александр Кержаковтың көрсеткішін басып озды. Матчта «Акрон» 2:0 есебімен жеңіске жетті.

Танымал комментатор Георгий Черданцев Дзюбаның жетістігін хоккей жұлдызы Александр Овечкиннің рекордымен салыстырды. Овечкин қазіргі таңда НХЛ-да 885 шайба соғып, тек аты аңызға айналған Уэйн Гретцкиден (894 гол) кейін тұр.

«Бүгін Ресей футболындағы өмір өзгерді, себебі рекорд орнатылды. Овечкинмен салыстырғанда, қайсысы күштірек екенін айту қиын. Бірақ мен футбол комментаторы болғандықтан, Дзюбаның жетістігі мен үшін ерекше. 234 гол соғу — бұл үлкен жетістік», — деді Черданцев «После футбола» бағдарламасында.