Арне Слот: «Эмоция мені жеңді, бірақ тең нәтиже әділ болды»

Liverpool Echo мәліметі бойынша, «Ливерпульдің» бас бапкері Арне Слот АПЛ-дің 15-ші турындағы «Эвертонмен» өткен (2:2) матчтың соңғы ысқырығынан кейін қызыл қағаз алды.

Матч соңында «Эвертон» қосымша уақытта гол соққаннан кейін ойыншылар арасында шиеленіс туындады. Осы сәтте Арне Слот төрешіге эмоциялық түрде наразылығын білдіріп, алаңнан қуылды.

«Мен төрешінің шешімін құрметтеймін, бірақ егжей-тегжейіне тоқталғым келмейді. Екінші таймға 5 минут қосылды, бірақ біз 8 минут ойнадық: мұндай жағдай жиі кездеседі. Эмоция мені жеңді. Егер сол жағдайға қайта тап болсам, басқаша әрекет етер едім. Соңғы ысқырықтан кейін екі ұпайдан айырылғандай көрінді. Дегенмен, 90 минут бойы біздің жеңіске жақын екенімізді сезінген жоқпын. Тең есеп — әділ нәтиже», — деді Слот.

Слот команда жанкүйерлермен тығыз байланыс пен жоғары рух көрсеткенін де атап өтті:
«Өткен маусымға қарағанда жақсырақ ойнап келеміз. Бұл маусымның қалған ойындарына сенімділік береді».