АПЛ 2025 жылғы жазғы трансферлік терезені екі кезеңге бөледі

Ағылшын Премьер-лигасы 2025 жылғы жазғы трансферлік терезені екі кезеңге бөлу туралы шешім қабылдады, деп хабарлады ұйымның ресми сайты.

Бірінші кезең 1-10 маусым аралығында өтеді, содан кейін бес күндік үзіліс болады. Екінші кезең 16 маусымнан 1 қыркүйекке дейін созылады.

Бұл шешім «Манчестер Сити» мен «Челсидің» 32 команда қатысатын алғаш рет өтетін кеңейтілген Әлемдік клубтық чемпионатқа қатысуына байланысты қабылданды. Турнир 15 маусымда АҚШ-та басталады, ал ФИФА жаңа ойыншыларды топтық кезең алдында да, плей-офф кезеңі алдында да тіркеуге рұқсат берді.

Турнирге келесі клубтар қатысады:

• «Реал Мадрид»
• «Атлетико Мадрид»
• «Интер»
• «Ювентус»
• «Пари Сен-Жермен»
• «Бавария»
• «Боруссия Дортмунд»
• «Әл-Хиләл»

Трансферлік терезені бөлу ФИФА-ның жазғы тіркеу кезеңінің ең ұзақ мерзімі 12 апта болуы туралы ережесін сақтауға мүмкіндік береді. Осылайша, ағылшын клубтары басқа еуропалық командалармен бірдей мерзімде құрамдарын күшейте алады.