Александр Овечкин: «Бәлкім, бұл плей-оффта емес, дәл қазір болғаны дұрыс»

НХЛ-дің ресми сайты хабарлағандай, «Вашингтон Кэпиталз» капитаны Александр Овечкин «Баффалоға» 5:8 есебімен жеңілген матчтан кейін командадағы жағдайға пікір білдірді.

«Біз қатарынан үш рет жеңілдік. Мүмкін, бұл дәл қазір болғаны жақсы шығар — плей-оффта емес. Бұл жағдайдан шығуымыз керек, қайтадан жеңіске жету жолын табуымыз қажет», — деді Овечкин.

Астаналық клуб соңғы үш матчта жеңіліп, осы кездесулерде жалпы есеп бойынша 9:15 нәтижемен өз маусымындағы ең нашар серияға тап болды.

Дегенмен, сәтсіздікке қарамастан, «Вашингтон» Шығыс конференциясында көш бастап келеді. Команда 73 матчта 103 ұпай жинап, НХЛ жалпы кестесінде екінші орында тұр. Бірінші орында — 74 ойында 106 ұпай еншілеген «Виннипег Джетс».