«9Pandas» капитаны Solo командадағы матчфиксинг туралы пікір білдірді

«LEGENDWP» мәліметі бойынша, «9Pandas» командасының капитаны Алексей «Solo» Березин өзінің Twitch-арнасындағы эфир кезінде киберспорттағы договорлық матчтар жайлы пікір білдірді.

Командаласының матчфиксингіне қалай қарайтыны туралы сұраққа Березин былай жауап берді:

«Мен қатты көңілім қалар еді және бірге ойнауды жалғастырмас едім, мүмкін, адами тұрғыдан кешірер едім, бірақ онымен ешқашан сөйлеспес едім және ештеңе ортақ болмас еді».

Алексей Березин қазіргі киберспорттағы жағдай 12 жыл бұрынғыдан мүлдем өзгеше екенін атап өтті — қазір тіпті tier-2,5 командалардың ойыншылары да өмір сүруге жететін лайықты жалақы алады, сондықтан кез-келген матчфиксинг тек ашкөздіктен туындайды.

Айта кету керек, 2013 жылы Березиннің өзі өз командасына қарсы $100 тіккен (және $322 ұтып алған), содан кейін «322» термині Dota қауымдастығында мемге айналған. Осы оқиғаға қарамастан, ол өмір бойы тыйымнан құтылып, кейіннен бес мейджор-турнирдің чемпионы атанды.