2026 жылғы әлем чемпионатына қатысатын құрамалар саны артты

Наурыз айындағы халықаралық терезе аясында төрт ұлттық құрама 2026 жылғы әлем чемпионатына қатысу құқығын жеңіп алды.

Алғашқы жолдаманы «Жапония» құрамасы «Бахрейнді» 2:0 есебімен жеңіп алды.

Одан кейін «Жаңа Зеландия» құрамасы мұхит аймағының финалында «Жаңа Каледонияны» 3:0 есебімен ұтып, әлем чемпионатына жолдама алды. «Иран» құрамасы «Өзбекстанмен» 2:2 есебімен тең ойнап, мундиальға қатысу құқығын иеленді. Ал қазіргі әлем чемпиондары «Аргентина» турнирдің финалдық кезеңіне шығуын рәсімдеді.

Осылайша, 48 командалық турнирдің жеті қатысушысы анықталды. Жоғарыда аталған төрт құрамаға турнир қожайындары ретінде автоматты түрде жолдама алған «АҚШ», «Канада» және «Мексика» қосылды.

Әлем чемпионатының кеңейтілген форматына сәйкес құрлықтық квоталар былай бөлінеді:

• Еуропа — 16 орын

• Африка — 9 орын және 1 орын плей-офф арқылы

• Азия — 8 орын және 1 орын плей-офф арқылы

• Оңтүстік Америка — 6 орын және 1 орын плей-офф арқылы

• Солтүстік Америка — 6 орын және 2 орын плей-офф арқылы

• Мұхит аймағы — 1 орын және 1 орын плей-офф арқылы

Біздің парақшамыздан футбол матчтарының барлық нәтижелерін Live форматта бірінші болып біліңіз!