16 жастағы қазақстандық Челсимен келісімшартқа отырды

«Қайрат» ФК байқау кеңесінің төрағасы Қайрат Боранбаев «СЭ» басылымына жас талантты ағылшын топ-клубына трансферінің егжей-тегжейін айтып берді.

Боранбаевтың айтуынша, «Челсидің» скауттары (олар Орталық Азия аймағында белсенді жұмыс істейді) Дастан Сатпаевты шамамен екі жыл бойы, 14 жасынан бері бақылап келген.

Жас футболшы бірнеше турнирде жарқын өнер көрсетті. Жастар Чемпиондар лигасының төрт матчында гол соғып пас берді, елдік U-17 құрамасында сәтті ойын көрсетті.

«Сатпаев «Челсиде» болған кезде біз келіссөздердің соңғы кезеңіне шыққан едік. Барлық құжаттарға қол қойылып трансфер жүзеге асты» — деді Боранбаев. Визалық шектеулерге байланысты (ойыншы небәрі 16 жаста) алдағы екі жылда футболшы туған клубында жалға алынады.