ZywOo — BLAST Open Lisbon 2025 турнирінің ең құнды ойыншысы атанды

HLTV.org дерегінше, «Team Vitality» снайпері Матье «ZywOo» Эрбо BLAST Open Lisbon 2025 турнирінің ең құнды ойыншысы (MVP) атағына ие болды.

Француз киберспортшысы турнир бойы жоғары деңгейде өнер көрсетті — тек екі картада ғана оның өлтіру статистикасы теріс болған. Бұл Эрбоның мансабындағы 23-ші MVP марапаты, және бұл Counter-Strike тарихындағы рекордтық нәтиже. Екінші орында — 21 марапатпен Александр «s1mple» Костылев.

BLAST Open Lisbon 2025 турнирі 19–30 наурыз аралығында өтті. Жүлде қоры — $400 мың. Финалда «Team Vitality» құрамасы «MOUZ» командасын 3:2 есебімен жеңіп шықты.