Зинедин Зидан футболға оралуға жақын — түрік клубын басқаруы мүмкін

Sabah басылымының мәліметінше, «Фенербахченің» бас бапкері қызметіне басты үміткер Зинедин Зидан түрік клубында жұмыс істеуге алдын ала келісімін берді.

Стамбул клубы қазір француз маманмен келіссөздер жүргізуде — қаржылық шарттар мен болашақ келісімшарттың егжей-тегжейі талқылануда.

«Фенербахче» басшылығы басқа да танымал бапкерлердің кандидатураларын қарастырды:

• Лучано Спаллетти
• Эндж Постекоглу
• Доменико Тедеско

Спаллетти ұсынысты қабылдамады — Италия құрамасының бұрынғы бапкері отбасымен көбірек уақыт өткізуді жөн көрді.

Зидан үшін бұл төрт жылдық үзілістен кейінгі алғашқы жұмыс орны болуы мүмкін — француз маман «Реалдан» кеткелі бері бапкерлік қызметпен айналыспаған. Бұған дейін оның 2026 жылғы әлем чемпионатынан кейін Франция құрамасының бас бапкері болуы мүмкін екені хабарланған.