Жұқаев мықты қарсыласты жеңіп, жартылай финалға жол ашты

Бейбіт Жұқаев Australian Open турниріне іріктеу жарысында тағы бір сенімді ойын көрсетті, деп хабарлайды Prosports.kz meta-ratings.kz басылымына сілтеме жасап.

Ширек финалда қазақстандық теннисші рейтингте жоғары тұрған жапон Юсуке Ватанукимен кездесті. Алғашқы сет тай-брейкте қарсыласқа бұйырды — 7:6 (7:4).

Алайда Жұқаев ойынның бағытын өзгертіп, екінші партияда брейк жасап, есепті теңестірді — 6:4. Шешуші сетте де дәл осы сценарий қайталанып, Бейбіт матчты өз пайдасына аяқтады.

Бұл жеңіс Жұқаевты Australian Open іріктеуінің жартылай финалына шығарды.

Оған дейін ол 1/8 финалда тайлық Касидити Самрежді 6:4, 7:6 есебімен жеңген болатын.