Жұлдыздар мен блогерлер қатысқан жаңа футбол лигасы Ұлыбританияда басталды

Лондондағы Copper Box аренасында жаңа форматтағы Baller League UK турнирі басталды. Жобаның президенті — 24,8 миллион жазылушысы бар танымал YouTube-блогер KSI.

Турнирдің алғашқы екі күнінен кейін Angry Ginge жаттықтыратын Yanited командасы «Арсенал» аңыздары мен «Челсидің» экс-капитаны Джон Терри жетекшілік ететін ұжымдарды жеңіп, көш бастады.

Турнирге қатысып жатқан басқа танымал тұлғалар қатарында «Алтын доп» иегері Луиш Фигу мен белгілі британдық рэпер Dave те бар.

Формат ерекшеліктері:

• Матчтар әр дүйсенбі сайын өтеді, маусымға дейін жалғасады

• 12 команда қатысады

• 4 үздік клуб плей-оффқа жолдама алады

• Ойыншылар әр матч үшін 400 фунт алады

• Ереже өзгеше: бұрыштық соққылар жоқ, үш минуттық арнайы кезеңдер бар, төреші шешімін ақ жалаумен даулауға болады

Командалар құрамында кәсіби мансабын жуырда аяқтаған ойыншылар, футзалшылар мен академия түлектері бар.

Қатысушылар қатарында:

• «Манчестер Юнайтед» академиясының түлегі Джош Харроп

• «Ливерпульдің» бұрынғы ойыншысы Джордон Айб

• «Ньюкасл» сапында өткен маусымда Чемпиондар лигасында ойнаған Майкл Ндивени