Жолдастық кездесудің екінші күнінде де «Барыс» «Сібірден» басым түсті

Астанада өткен жолдастық кездесулер сериясының екінші ойынында Михаил Кравецтің шәкірттері «Сібірді» 3:2 есебімен ұтты.
Бірінші кезең голсыз аяқталды. Екінші кезеңде қонақтар есепті ашты — Яковлев мергендік танытты. Алайда елордалық клубтың жаңа шабуылшысы Мэйсон Морелли қысқа уақыт ішінде қос шайба соғып, «Барысты» алға шығарды — 2:1. Үшінші кезеңде Галимов есепті 3:1-ге жеткізді. Кезең бітуге үш минут қалғанда Климович «Сібірдің» екінші шайбасын соғып, қорытынды есепті бекітті — 3:2.

«Барыс» жаңа маусымды 7 қыркүйекте өз айдынында «Тракторға» қарсы матчпен бастайды.