«Жетісу» осал қарсылас емес, бірақ біз өз ойынымызды көрсетуге дайынбыз» — Дәурен Жұмат

11 мамырда Қазақстан премьер-лигасының сегізінші туры аясында Көкшетаудың «Оқжетпесі» сырт алаңда Талдықорғанның «Жетісу» командасымен кездеседі.

Өткен турда Андрей Ферапонтовтың командасы Семейдің «Елімайын» сырт алаңда 0:2 есебімен жеңсе, «Жетісу» «Тұранмен» тең түсті (0:0).

Чемпионат көшбасшысы — 9 матчта 23 ұпай жинаған алматылық «Қайрат». Екі ойыны кем «Оқжетпес» 11 ұпаймен алтыншы орында тұр: үш жеңіс, екі тең ойын және екі жеңіліс. Ал «Жетісудың» әзірге бірде-бір жеңісі жоқ — төрт тең ойын және үш жеңіліс. Талдықорғандықтар турнирлік кестеде 12-орында.

«Оқжетпестің» жартылай қорғаушысы Дәурен Жұмат Sport Pulse порталымен алдағы ойынға байланысты ойымен бөлісті:

— Біз бұл кездесуге тыңғылықты дайындалып жатырмыз. Әр матч біз үшін маңызды, сондықтан бар күшімізді салып, жанкүйерлерді қуантуға тырысамыз. «Жетісу» осал қарсылас емес, бірақ біз өз ойынымызды көрсетуге дайынбыз және оң нәтижеге қол жеткізу үшін барымызды саламыз

Матч туралы негізгі ақпарат:

Күні: 11 мамыр

Басталуы: 15:00 (тікелей эфир — 14:55-тен)

Стадион: «Жетісу», Талдықорған

Көрсетілім: Qazsport телеарнасы

Біздің парақшамыздан футбол матчтарының барлық нәтижелерін Live форматта бірінші болып біліңіз!