Жеңілмеген Садриддин Ахмедов мексикалық нокаутершімен жұдырықтасады

Осы жексенбіде Коммерс қаласында Садриддин Ахмедов (15-0, 13 КО) мен Элиас Эспадастың (23-6, 16 КО) жекпе-жегі басты оқиға болатын маңызды кәсіби бокс кеші өтеді.

Бокс кешінің трансляциясы Астана уақыты бойынша 06:00-де басталады. Жекпе-жек UFC ресми порталында көрсетіледі.

Өзінің соңғы жекпе-жегінде Ахмедов әсерлі нәтиже көрсетті. Қазақстандық боксшы америкалық Рафаэль Игбоквені (17-6, 7 КО) жетінші раундта нокаутпен жеңді. Оның қарсыласы Эспадас та желтоқсанда соңғы жекпе-жегін өткізді. Мексикалық боксшы отандасы Рамон Барахасты (14-41, 4 КО) екінші раундта нокаутпен жеңді.