Жазира Ұрақбаева әлем кубогының финалына жолдама алды

World Boxing мәліметінше, қазақстандық боксшы Жазира Ұрақбаева Бразилияның Фос-ду-Игуасу қаласында өтіп жатқан бокстан әлем кубогының жартылай финалында жеңіске жетті.

51 келіге дейінгі салмақ дәрежесінде өнер көрсететін спортшымыз төрешілердің бөлінген шешімімен польшалық Наталья Кучевскаядан басым түсті.

Бұл жеңіс Ұрақбаеваға финалға жол ашты. Ол алтын медаль үшін таласады. Айта кетейік, Ұрақбаева — Азия чемпионатының екі дүркін қола жүлдегері. Ал оның қарсыласы Кучевская жастар арасындағы әлем чемпионатының күміс, Еуропа біріншілігінің үш дүркін жүлдегері атанған. Польша өкілі жарысты қола медальмен аяқтады.