Жастар арасындағы әлем чемпионы Бегалиев Қазақстан чемпионатын жеңіспен бастады

Жастар арасында әлем және Азия чемпионы Санжарали Бегалиев Семейде өтіп жатқан ұлттық біріншілікте сәтті өнер көрсетті.

80 келіге дейінгі салмақ дәрежесінің 1/8 финалында шымкенттік боксшы — төрешілердің бірауызды шешімімен астаналық Ильяс Жандауды жеңді.

Бегалиевтің ширек финалдағы келесі қарсыласы маңғыстаулық Нұрқанат Райыс болады.

Айта кетерлігі, биылғы Қазақстан чемпионаты — алғаш рет World Boxing ережелері бойынша өткізіліп, 21 қазанға дейін жалғасады.