Жарты ғасырдағы ең нашар старт: Вест Хэм АПЛ-да тағы жеңілді

Лондондық Вест Хэм Ағылшын Премьер-лигасында көңіл құлазытарлық нәтижелер көрсетуді жалғастыруда — команда өткен жұма күні Лидстен жеңілді.

Қыркүйекте бас бапкер қызметіне тағайындалған Нуну Эшпириту Санту әлі де жаңа клубымен жеңіске жете алған жоқ — бұл қатарынан үшінші жеңіліс. Турнир кестесінде 19-орында тұрған балғашылар маусымда небәрі бір рет жеңіске жетті.

«Өкінішке орай, біздің клубта көптеген мәселелер бар. Біз олардың артына жасырына алмаймыз — әркім өзін көрсетіп, әлдеқайда көп жұмыс істеуі керек», — деді португалдық маман.

Команданың статистикасы алаңдаушылық тудырады — «Вест Хэм» қақпасына 20 доп соғылды, бұл соңғы орындағы «Вулверхэмптоннан» төрт голға көп. Бұрыштамалардан кейінгі жағдай ерекше алаңдатады — тоғыз гол жіберу лиганың антирекорды болып табылады.

«Команда соңғы орындардың бірінде тұрғанда, киім ауыстыру бөлмесіндегі көңіл-күй түсіңкі, — деп мойындады команда капитаны Джаррод Боуэн. — Жағдай тек біз жиналып, мінез көрсеткенде ғана өзгереді. Біз нақты қауіпте екенімізді мойындауымыз керек».