Жапония құрамасының үздік сұрмергені дүниеден озды

Жапония футболының аңызға айналған ойыншысы Кунишиге Камамото 81 жасында қайтыс болды, деп хабарлайды Prosports.kz.

Бұл туралы Жапония футбол қауымдастығының (JFA) баспасөз қызметі хабарлады.

Камамото жексенбі күні таңертең Осака префектурасындағы ауруханада пневмониядан қайтыс болды.

Шабуылшы Жапония құрамасы сапында 76 матч өткізіп, 75 гол соққан. Камамото ұлттық құрама тарихындағы үздік бомбардир. Жапония құрамасымен бірге 1968 жылы Мексикада өткен Олимпиада ойындарында қола жүлдегер атанды.