Жәнібек Әлімханұлы мен Нгамиссенге салмақ өлшеуден сәтті өтті

Орта салмақта IBF және WBO тұжырымдары бойынша әлем чемпионы Жәнібек Әлімханұлы мен оның қарсыласы Анауэль Нгамиссенге жекпе-жек алдындағы ресми салмақ өлшеуден өтті.

Қазақстандық боксшы 72,5 келі көрсетсе, Франция өкілі де белгіленген лимиттен асқан жоқ. Салмақ өлшеу рәсімінен кейін боксшылар дәстүрлі көз арбастыру сәтінен өтті — екеуі де жұдырықтасуға толық дайын екенін байқатты.

Жәнібек Әлімханұлы (16-0, 11 KO) мен Анауэль Нгамиссенге (14-0, 9 KO) арасындағы чемпиондық жекпе-жек 5 сәуір күні Астанадағы «Барыс Аренада» өтеді. Бұл кездесуде отандасымыз екі бірдей чемпиондық белбеуін қорғайды.