Жәнібек Әлімханұлы француз боксшысын бесінші раундта нокаутқа түсірді

Астанада өткен тарихи бокс кешінде орта салмақтағы WBO және IBF тұжырымдары бойынша әлем чемпионы Жәнібек Әлімханұлы чемпиондық белбеулерін сәтті қорғады.

Қазақстандық боксшы франциялық Анауэль Нгамиссенгемен рингке шығып, алғашқы раундтан бастап басымдығын байқатты. Бірінші раундта-ақ қарсыласын есеңгіреткен Жәнібек келесі раундтарда да шабуылын үдете түсті.

Бесінші раундта Әлімханұлының жойқын соққысы қарсыласын нокаутқа түсіріп, кездесуді уақытынан бұрын аяқтады. Осылайша ол өз атағын сенімді түрде сақтап қалды және жанкүйерлеріне жарқын жеңіс сыйлады.