Жәнібек Әлімханұлы Андрей Михайловичты нокаутпен жеңді

Қазақстандық боксшы Жәнібек Әлімханұлы (15-0, 10 КО) Австралияның Сидней қаласында өткен бокс кешінде өнер көрсетті, деп хабарлайды Sports.kz.

Жәнібек Әлімханұлының жекпе-жегінің алдында Қазақстанның гимніне қатысты жанжал болды.
Әлімханұлы Ресей тумасы, Жаңа Зеландия атынан шыққан Андрей Михайловичпен (21-0, 13 КО) кездесті. Бұл жекпе-жекте орта салмақта IBF және WBO нұсқалары бойынша әлем чемпионы титулдары сарапқа салынды, бірақ бастапқыда тек IBF белбеуі үшін күреседі деп жоспарланған болатын. Жекпе-жек он екі раундқа жоспарланғанымен, тоғызыншы раундта Әлімханұлы техникалық нокаутпен жеңіске жетті, ал екінші раундта қарсыласы нокдаунға түсті.

Осылайша, Жәнібек Әлімханұлы кәсіпқой мансабындағы он алтыншы жеңісіне қол жеткізіп, IBF және WBO белбеулерін сәтті қорғады, ал Андрей Михайлович кәсіби рингтегі алғашқы жеңілісіне ұшырады.