Жаңа UFC чемпионы Мұхаммадты жеңгеннен кейін Ислам Махачевке қарсы шықты

Джек Делла Маддалена UFC-дің жартылай орта салмақтағы жаңа чемпионы атанды — австралиялық Монреальдағы UFC 315 турнирінің басты оқиғасында Белал Мұхаммадты төрешілердің бірауызды шешімімен жеңді.

«Иә, маған бұл сын-қатер ұнайды. Мен UFC-дегі үздік P4P жауынгерімен айқасуға дайынмын», — деді Маддалена октагонда Ислам Махачевпен ықтимал жекпе-жек туралы сұраққа жауап беріп.

Дивизион рейтингінде екінші орынды жеңілмеген Шавкат Рахмонов иеленіп отыр — қазақстандық жауынгер титулға басты үміткер болып саналған, алайда жарақатына байланысты өз жоспарларын кейінге қалдыруға мәжбүр болды.