Жаңа Зеландия бапкері Қазақстанға қарсы өтетін матч туралы айтты

Жаңа Зеландияның бас бапкері Марвин Тосереро Meta-ratings.kz сайтына берген сұхбатында Қазақстанға қарсы өткен (0:10) матч туралы және Өзбекстандағы әлем чемпионаты аясында пікір білдірді.

– Осы әлем чемпионатынан қандай пайдалы тәжірибе алдыңыздар?

– Испания және Қазақстан секілді командалармен ойнау біз үшін үлкен тәжірибе болды. Бұл күтпеген нәрсе болып естілуі мүмкін, бірақ біз үшін мұндай матчтар – сирек жағдай. Біз Еуропадан алыс орналасқанбыз, сондықтан еуропалық құрамалармен ойнау біз үшін іс жүзінде мүмкін емес. Бізде Еуропаға немесе Азияға жолдастық матчтар үшін ұшуға қаржы жоқ, әрі бізге ешкім де келмейді. Бір рет бізді Қытай шақырды, және біз ол жерге 14 сағат жол жүріп бардық. Әлем чемпионатының алдында біз Таиландтағы турнирге қатыстық, бірақ ол басқа құрамалар турнирге дайындалып жатқандықтан ғана болды. Үздік құрамалар Испания мен Бразилия немесе Португалия сияқты мықты командалармен ойнағысы келеді. Ал біздің немесе Ливия секілді құрамалармен жолдастық матчтар өткізуге арақашықтық алыс және қаржы жетіспейді.

Естеріңізге сала кетейік, Қазақстан құрамасы Жаңа Зеландияны әлем чемпионатының топтық кезеңінің үшінші турында 10:0 есебімен жеңген болатын. Алайда қазақстандықтарға бұл бірінші орынмен 1/8 финалға шығу үшін жеткіліксіз болды. Плей-оффта Қазақстан құрамасы Португалияға қарсы ойнайды.