Жамнов: «Гагарин Кубогын бірден талап етпеу керек»

Николай Суриннің телеграм-арнасы таратқан мәліметке сүйенсек, Мәскеудің «Спартак» командасының бас бапкері Алексей Жамнов командасының «Салават Юлаевқа» қарсы жетінші ойындағы 2:3 есебімен аяқталған жеңілісі мен Гагарин Кубогынан шығып қалуына байланысты пікір білдірді.

Маман алдағы күндері клуб басшылығымен кездесіп, өзінің болашағына қатысты мәселе талқыланатынын айтты. Жамновтың сөзінше, қаржылық шектеулер легионерлік позициялардың барлығын толтыруға мүмкіндік бермеген.

– Сіздердің тәбеттеріңіз тым тез өсіп барады. Бұл командаға небәрі екі жыл болды. Өткен жылы плей-оффқа шығып, бірінші раундтан өттік. Ал биыл сіздерге бірден Гагарин Кубогы керек пе? Жоқ, жігіттер, олай болмайды, – деді ол.

Жамнов сондай-ақ команда құрамындағы тәжірибе тапшылығын атап өтті — тек Вишневский, Локтионов және Миронов секілді бірнеше ойыншы ғана плей-оффта үлкен жеңістер көрген.

– Мұндай серияларда жеңіске жету үшін жүрек керек. Уфада жүрек бар, ал бізде әзірге жүрекше ғана, – деп түйіндеді «Спартак» бапкері.