Жалғас Жұмағұлов Oktagon дебюттік жекпе жегінде көрермендерді таң қалдыруға дайындалып жатыр

Sports.kz хабарлауынша, қазақстандық аралас жекпе-жек шебері Жалғас Жұмағұлов (16-9) өзінің жаңа ұйымдағы дебютіне дайындалып жатыр. Бұл алғашқы жекпе-жек 9 қарашада Словакияның астанасы Братиславада өтеді. Жұмағұлов «Октагон 63» турнирі аясында Уэльс өкілі Аарон Эби (16-9-1) қарсы октагонға шығады.

Жанкүйерлердің назарын аударта отырып, «Жако» лақап атымен танымал Жұмағұлов X (бұрынғы Twitter) әлеуметтік желісінде жаттығу залынан сурет жариялап, жұмбақ хабарлама қалдырды:
«Братислава бұған дайын емес».

Еске сала кетейік, Жалғас Жұмағұлов соңғы рет ағымдағы жылдың ақпан айында октагонға шыққан болатын. UFC-дің бұрынғы жауынгері Naiza FC 57 турнирінде америкалық Кливленд Маклинді (17-2) бірауыздан шешіммен жеңген еді.

ММА жанкүйерлері қазақстандық жауынгердің жаңа лигада дебютін асыға күтіп, оның қандай тосын сый дайындағанын болжап жатыр.