Жәнібек Әлімханұлының нокауты DAZN нұсқасы бойынша 2025 жылдың үздік ондығына енді

DAZN стриминг платформасының ресми сайты Қазақстандық әлем чемпионы Жәнібек Әлімханұлын 2025 жылғы ең әсерлі нокауттар ондығына қосты.

Бұл тізімге кәсіпқой бокстағы он керемет мерзімінен бұрын аяқталған жекпе-жек енген.

5 сәуір күні Астанада Жәнібек француз Анауэль Нгамиссенгемен кездесіп, орта салмақтағы WBO және IBF тұжырымдары бойынша әлем чемпионы атақтарын қорғаған еді. Бұл — Әлімханұлының қатарынан төртінші нокаутпен аяқтаған жеңісі. Ол кәсіпқой рингте әлі жеңілмеген.

DAZN бесінші раундтағы нокаутты егжей-тегжейлі сипаттады:

«Жәнібек Әлімханұлының күші мен шеберлігі әлемге әлдеқашан белгілі. Дензел Бентлиді сенімді түрде жеңгеннен кейін ол қатарынан төрт нокаутпен жеңіске жетті. Нгамиссенгемен кездесуде қарсыласын сол қолымен дөп ұрып, екінші соққымен нокдаунға түсірді. Бұл өзге чемпиондарға берілген айқын белгі болды».

Жәнібек Әлімханұлы кәсіпқой рингте 17 жеңіске (12 нокаут) қол жеткізген. Ол орта салмақтағы WBO және IBF белбеулерінің иегері және P4P рейтингінде жоғары орындарда тұр. Нгамиссенгемен жекпе-жек — оның 2025 жылғы алғашқы кездесуі болды. Келесі жекпе-жегін ол күзде өткізуі мүмкін. Қарсыластар қатарында Эрисланди Лара мен Крис Юбенк-кіші аталып жүр.