Замбия құрамасы көшi-қон шектеулерiне байланысты төрт негізгі ойыншысыз қалды

Замбия футбол қауымдастығы Йончуань халықаралық турниріне төрт жетекші ойыншыны жібермеу туралы шешім қабылдады. Бұл қадам АҚШ-тағы көші-қон саясатының өзгеруімен байланысты, деп хабарлады ұйымның баспасөз қызметі.

Команда капитаны Барбра Банда, Рэйчел Кунданджи, Приска Чилуфья және Грейс Чанда — барлығы америкалық NWSL лигасында ойнайды. АҚШ президенті Дональд Трамп әкімшілігінің жаңа көші-қон жарлығына сәйкес, бірқатар елдердің азаматтарына елге кіруге шектеу қойылған. Соның салдарынан бұл футболшылар Қытайдағы турнирге бара алмайды.

«Ойыншыларымыздың мүддесін ескере отырып, оларды бұл турнирге жібермеу туралы шешім қабылдадық», — деді Замбия футбол қауымдастығының бас хатшысы Рубен Каманга.

Құраманың сапында үш ойыншы «Орландо Прайд» клубында, ал Приска Чилуфья Қытайдың «Бэй» командасында ойнайды.

Йончуань турнирінде Замбия Таиландпен алғашқы матч өткізіп, кейін Қытай мен Өзбекстан арасындағы кездесудің жеңімпазымен кездеседі.

Біздің парақшамыздан футбол матчтарының барлық нәтижелерін Live форматта бірінші болып біліңіз!