Зайнутдинов ресейлік футболға оралуға жақын

Sports24.kz мәліметі бойынша, Қазақстан құрамасының жартылай қорғаушысы Бактиер Зайнутдинов мәскеулік «Динамоға» ауысуға жақын.

27 жастағы жартылай қорғаушы ресейлік клубпен жеке келісімшарт талаптары бойынша келісімге келді — енді іс клубтар арасындағы трансфер сомасын келісуге байланысты.

«Бешикташ» қазақстандық ойыншы үшін 4,5 миллион еуро алуды көздеп отыр — түрік клубы 2023 жылы мәскеулік ЦСКА-ға дәл осынша төлеген болатын. Ойыншының қазіргі нарықтық құны 3,3 миллион еуро деп бағаланады.

Биылғы маусымда Зайнутдинов «Бешикташ» сапында 12 ойын өткізіп, бір голдық пас берді — оның түрік клубымен келісімшарты 2027 жылдың жазына дейін жарамды.