Ювентус Санчоны трансфері үшін МЮ-ге жаңа ұсыныс жасады

Джанлука Ди Марцио сайтының мәліметінше, туриндік «Ювентус» Джейдон Санчоның трансфері бойынша «Манчестер Юнайтедке» ұсыныс жасады — 10 миллион еуро және 5 миллион еуро бонус ретінде.

Өткен маусымда 25 жастағы қанатшабуылшы «Челсиде» жалға алу негізінде өнер көрсетті — 42 ойында 5 гол соғып, 10 нәтижелі пас берді.

Бұған дейін «Ювентус» Санчо үшін 20 миллион еуро ұсынған, алайда манкуниандықтар 30 миллион сомасын талап етуде. Клубтар арасындағы келіссөздер жалғасуда, бұл ретте футболшының мансабын жалғастырудың басқа нұсқалары әзірге жоқ.