Ювентус қорғаушысы Ноттингем Форестке 15 миллион еуроға ауысады

Джанлука Ди Марционың мәліметінше, Николо Савона Турин «Ювентусын» тастап, мансабын ағылшын Премьер-лигасында жалғастырады.

«Ноттингем Форест» 22 жастағы қорғаушының трансфері туралы келісті — мәміле сомасы бонустарды қоса алғанда 15 миллион еуроны құрайды.

«Біз ағылшын клубымен келісімге қол жеткіздік», — деп растады «Ювентустың» бас директоры Дамьен Комолли Sky Sport Italia эфирінде.

Турин клубының тәрбиеленушісі өткен маусымда Серия А-да 28 матч өткізіп, екі гол соқты.