Ювентус канадалық шабуылшы Джонатан Дэвидпен келісімшартқа келді

Football Italia мәліметінше, Джонатан Дэвид Турин «Ювентусына» ауысуға жақын — клуб канадалық шабуылшымен жеке келісімшарт талаптарын келісті.

Келісім бойынша маусымына 6 миллион еуро негізгі жалақы қарастырылған — футболшы қосымша 1-2 миллион еуро көлемінде бонустар ала алады.

Трансфердің аяқталуына агенттік сыйақы мәселесі кедергі келтіруде — Дэвидтің өкілдері 10 миллион еуродан астам комиссия талап етуде.

Түркия мен Сауд Арабиясының қызығушылығына қарамастан, 25 жастағы шабуылшы италиялық Серия А-да өнер көрсетуге бағыт алған. Өткен маусымда француз Лига 1-де «Лилль» сапында 32 ойында 16 гол соққан шабуылшы клубтан еркін агент ретінде кетті.