«Ювентус» Роналдуға қарыз төлеуге қарсы

Championat.com мәліметі бойынша, «Ювентус» футбол клубы соңғы сот шешіміне шағым түсірді. Шешімге сәйкес, клуб бұрынғы шабуылшысы Криштиану Роналдуға 9,8 миллион еуро төлеуі керек. Атышулы итальяндық журналист және инсайдер Николо Скира өзінің X әлеуметтік желісіндегі парақшасында бұл жағдайдың егжей-тегжейлерін бөлісті, атап айтқанда, «Ювентус» клубының негізгі мақсаты – 17 сәуірдегі төрелік соттың шешімін жою немесе төленуге тиісті соманы азайту.

Бұрын Италия соты Роналдуға пандемия кезінде қатып қалған жалақысының бір бөлігі ретінде 9,77 миллион еуро төлеуді міндеттеген болатын. Португалдық футболшы бастапқыда клубтан 19,9 миллион еуро талап еткенімен, сот шешімі бұл соманың жартысына жуығын төлеуді қарастырған, ал қазір клуб бұл шешімге қарсы шағымданып отыр.