Юрий Бушман: «Актобе» жанкүйерлері – ең жанкешті

Бұрынғы «Қызылжар» қорғаушысы Юрий Бушман Metaratings.kz порталына берген сұхбатында Қазақстандағы футбол жанкүйерлері жайлы пікір білдірді, деп хабарлайды Metaratings.

«Әр қалада өз командасын қолдайды, бұл анық сезіледі. Бірақ ерекше атап өтсем, «Актобе» жанкүйерлері ең жанкешті әрі белсенді. Олардың стадионында ерекше атмосфера бар, сол жерде өзіңді нағыз футболшы сезінесің. Сондай-ақ Шымкент пен Астанада да жақсы қолдау бар. Уақыт өте келе Қазақстанда жанкүйерлер саны артады деп ойлаймын, әсіресе жаңа, заманауи стадиондар салынғанда. Сол кезде адамдар отбасымен келіп, жайлы жағдайда футбол көре алады», – деді Бушман.

Юрий Бушман 2021 жылы «Кауно Жальгирис» сапынан «Қызылжарға» ауысты. Төрт маусымда 108 матч өткізіп, 13 гол соғып, 19 нәтижелі пас берген.