Юлия Путинцева Australian Open турнирінің үшінші айналымына қиындықсыз шықты

Мельбурнда (Аустралия) өтіп жатқан дәстүрлі Australian Open турнирінде қазақстандық Юлия Путинцева (№23) қытайлық қарсыласын қиындықсыз жеңіп, үшінші айналымға шықты. Бұл туралы Бірінші бол жазды.

Қытайдан келген Чжан Шуаймен (№204) кортқа шыққан Путинцева 6:2, 6:1 есебімен ойсырата жеңді. Матч небәрі 1 сағат 2 минутқа созылды.

Енді үшінші айналымда отандасымыз ресейлік танымал теннисші Дарья Касаткинамен ойнайды. Ол әлемдік рейтингте 10-сатыда тұр.

Бірінші айналымда Путинцева армян қызы Элина Аванесянды әзер жеңген болатын, есеп – 4:6, 7:5, 6:2.