Юки Цунода: Red Bull болидімен қиындық көріп тұрған жоқпын

Жапония Гран-приінен бастап Red Bull Racing сапында Лиам Лоусонның орнын басатын Юки Цунода RB21 болидінің ерекшеліктеріне қатысты пікір білдірді. Жапон пилоты симулятордағы алғашқы әсерімен бөлісті.

«Мәселе машинаның күрделі болуында емес. Бұл жерде баптау философиясы мүлдем өзгеше. «Racing Bulls»-тағы болидпен салыстырғанда өз тәсілімді сәл өзгертуім керек», — деді Цунода.

Бұған дейін Макс Ферстаппеннің бұрынғы серіктестері — Пьер Гасли, Александр Албон және Серхио Перес Red Bull болидтерінің шамадан тыс бұрылғыштығына бейімделуде қиындықтарға тап болған.

«Көпшілік Red Bull машиналары алдыңғы осьтің өте жақсы ілінісуімен ерекшеленеді дейді. Мен өзім де агрессивті бұрылыстарды ұнатамын, бұрыннан сондай жүргізу стиліне бейімделіп келемін», — деп қосты Цунода.

Жапон пилоты Сузукадағы жарысқа да пікір білдірді:

«Шынайы мақсаттар қойып отырмын — квалификацияның финалдық сегментіне өтіп, жарыста ұпай үшін күрескім келеді».