Ян Зоммер «Барселонаға» қарсы матчтың үздік ойыншысы атанды

УЕФА-ның ресми сайтының мәліметінше, «Интер» қақпашысы Ян Зоммер «Барселонаға» қарсы жартылай финалдық матчтың үздік ойыншысы атанды.

Милан клубы 4:3 есебімен жеңіске жетті — швейцариялық қақпашы доптарды өткізгеніне қарамастан, сенімді ойын көрсетіп, жеті маңызды сейв жасады.

«Интер» соңғы үш жылда екінші рет еуропалық турнирдің финалына шықты, бұл миландықтардың Чемпиондар лигасының шешуші матчына жетінші рет шығуы.