WTA рейтингін жаңарту: қазақстандық теннисшілердің позициялары

Әйелдер теннис қауымдастығының (WTA) соңғы мәліметтеріне сәйкес, жекелей және жұптық рейтингтер жаңартылды.

Жекелей сында көшбасшылардың алғашқы үштігі өзгеріссіз қалды. Рейтингтің басында әлі де Беларусьтен Арина Соболенко тұр. Екінші орынды поляк теннисшісі Ига Швентек ұстап, үштікті америкалық Кори Гауф қорытындылайды.

Қазақстандық теннистің басты жұлдызы Елена Рыбакина әлемдік рейтингте бесінші орынды сақтап қалды. Айта кету керек, өткен аптада Рыбакина WTA қорытынды турнирінде өнер көрсетуді бастады, онда ол әлемдік рейтингтің төртінші орнында тұрған итальяндық Жасмин Паолиниден жеңілді.

Қазақстанның тағы бір өкілі, Юлия Путинцева бір позицияға төмендеп, енді WTA рейтингінде 29-шы орында тұр.

Чех спортшысы Катержина Синякова жұптық сында көшбасшылықты сақтап келеді. Одан кейін Жаңа Зеландиядан Эрин Рутлифф және украиналық Людмила Киченок орналасқан.

Қазақстанның қос разрядтағы үздік теннисшісі Анна Данилина рейтингте 22-ші орнын сақтап қалды. Юлия Путинцева 111-ші орында тұр, ал Жібек Құламбаева тоғыз позициядан төмендеп, қазір WTA жұптық рейтингінде 150-ші орында орналасқан.