Ульсан – Мамелоди Сандаунз: Клубтар арасындағы әлем чемпионатына болжам (18.06.2025)

2025 жылғы 18 маусымда Астана уақытымен 03:00-де АҚШ-тың Флорида штатындағы Орландо қаласындағы «Inter&Co Stadium» аренасында Клубтар арасындағы әлем чемпионатының бірінші туры аясында Ульсан мен Мамелоди Сандаунз командалары кездеседі. Бұл ұжымдар F тобында бақ сынайды, мұнда сондай-ақ Дортмундтың Боруссиясы мен Флуминенсе өнер көрсетеді. Букмекерлер алдағы ойында қарсыластардың күштері шамалас деп есептейді. Командалардың қазіргі жағдайына тоқталып, болжам ұсынамыз.

Ульсан

Оңтүстік Корея өкілдері Клубтар арасындағы әлем чемпионатына ел ішіндегі біріншілік қызып тұрған сәтте келіп отыр. Қазірдің өзінде команда 19 матч өткізіп үлгерген. Алайда биылғы маусымдағы нәтижелері аса әсерлі емес. Ульсан бір ойын артық өткізгенімен, көш бастап тұрған Чонбуктан 9 ұпайға қалып қойған. Бұл – Ким Пан Гон шәкірттері соңғы үш маусымда қатарынан чемпион атанғанын ескерсек, айтарлықтай құлдырау.

Құрамында әлемдік деңгейдегі жұлдыздар жоқ. Ең танымал ойыншысы – бразилиялық шабуылшы Эрик Фариас. Тактикалық тұрғыда Ким Пан Гон 4-4-2 схемасын ұстанады. «Жолбарыстар» – бұл турнирдегі толыққанды ойын ырғағындағы санаулы ұжымдардың бірі, себебі көптеген қарсыластар маусымаралық үзілісте. Айта кету керек, соңғы екі апта бойы команда КЧМ-ге дайындықты толыққанды өткізді.

Мамелоди Сандаунз

Мамелоди Сандаунз – ОАР чемпионатының гегемоны. Команда соңғы жеті маусымда қатарынан ел біріншілігін жеңіп алып, биылғы маусымда да мерзімінен бұрын чемпион атанды. Олар «бразилиялықтар» деген лақап атқа ие, өйткені ойындары техникалық және сапалы.

Алайда алдағы турнир – оңтүстікафрикалық ұжым үшін нағыз сынақ болмақ. Ел ішінде толық үстемдік орнатқанымен, халықаралық аренада олар қарсыластарының көлеңкесінде қалуы мүмкін. Команданың көшбасшысы – бразилиялық шабуылшы Лукас Рибейро, ол Бельгияда, оның ішінде «Шарлеруада» және елдің төменгі лигаларында төрт жыл ойнаған. Ол – клубтың ең қымбат ойыншысы (шамамен 2,5 млн еуро). Ал жалпы команданың құны – 35 млн еуро. Салыстыра кетсек, Ульсанның жалпы нарықтық құны – 15 млн еуро шамасында.

Статистика және жеке кездесулер

Командалардың бетпе-бет кездесулер тарихы жоқ. Бұл – олардың алғашқы ресми ойыны болмақ.

Болжам

Ульсан – Мамелоди Сандаунз матчында жеңімпазға болжам жасау қиын. Екі команда да шамалас және топтағы басты аутсайдерлер саналады. Осыған байланысты қос ұжым да бұл ойында өздерін көрсетуге тырысады. Бұл тұрғыда «екі команда да гол соғады» деген ставка (коэффициент 1.87) немесе 1:1 нақты есепке (коэффициент 6.40) бәс тігуді қарастыруға болады.

Алайда бұл командалардан не күтуге болатынын дөп басып айту қиын болғандықтан, тәуекелі аздау, сақтықпен алынатын ставканы ұсынамыз. Оңтүстіккореялықтардың ойын ырғағында екенін ескеріп, Ульсанның нөлдік форасына (коэффициент 1.93) бәс тігуді жөн көреміз.